Serbar eiga erfiðasta verkefnið fyrir höndum sér þar sem þeir þurfa að sigra gífurlega sterkt lið Brasilíu til að komast upp úr riðlinum. Jafntefli gæti nægt Serbum ef Svisslendingar tapa fyrir Kosta Ríka.

Brassar og Svisslendingar þurfa aðeins stig til að tryggja sig áfram. Topplið riðilsins mætir Mexíkó í 16-liða úrslitum, liðið sem endar í öðru sæti fær leik við Svíþjóð.

Brassar gera enga breytingu á sínu liði fyrir úrslitaleikinn mikilvæga, en Serbar gera þrjár breytingar á liðinu sem tapaði fyrir Sviss.

Milos Veljkovic og Antonio Rukavina koma inn í vörnina hjá Serbum fyrir Branislav Ivanovic og Dusko Tosic. Þá kemur Adem Ljajic á miðjuna í stað Luka Milivojevic.

Ljajic fer upp í holuna þar sem Sergej Milinkovic-Savic spilaði í síðasta leik, en Savic sjálfur fer aftar á völlinn. Serbar tefla því fram sóknarsinnaðari leikmönnum heldur en gegn Sviss.

Svisslendingar gera tvær breytingar á sókninni sinni eftir sigurinn gegn Serbum. Breel Embolo kemur inn á vinstri kantinn og Mario Gavranovic er fremstur. Þeir taka stöður Haris Seferovic og Steven Zuber í sóknarleiknum.

Serbía: Stojkovic, Rukavina, Veljkovic, Milenkovic, Kolarov, Matic, Milinkovic-Savic, Tadic, Kostic, Ljajic, Mitrovic

Brasilía: Alisson, Fagner, Silva, Miranda, Marcelo, Paulinho, Casemiro, Coutinho, Willian, Gabriel Jesus, Neymar

---

Sviss: Sommer, Lichtsteiner, Akanji, Schär, Rodríguez, Xhaka, Behrami, Shaqiri, Dzemaili, Embolo, Gavranovic

Kosta Ríka: Navas, Acosta, Gonzalez, Oviedo, Gamboa, Watson, Borges, Colindres, Ruiz, Guzman, Campbell

Sjá einnig:
Maggi Bö spáir í leik Sviss og Kosta Ríka
Matti Villa spáir í leik Serbíu og Brasilíu