Íslenska landsliðið er nú í flugi frá Rússlandi til Íslands. Strákarnir okkar féllu úr leik á Heimsmeistaramótinu í Rússlandi í gær eftir svekkjandi tap við Króatíu. Ísland var í séns á að komast í 16-liða úrslit á síðustu mínútum leiksins en því miður þá varð ekki að því. Ivan Perisic skoraði annað mark Króatíu og þá var möguleikinn úti.
Sjá einnig:
Viðbrögð strákanna á samfélagsmiðlum - „Takk fyrir okkur"
Sjá einnig:
Viðbrögð strákanna á samfélagsmiðlum - „Takk fyrir okkur"
Þetta var annað stórmót íslenska karlalandsliðsins. Á EM fyrir tveimur árum komst liðið alla leið í 8-liða úrslit en féll þar úr leik gegn sterku liði Frakklands.
Þegar landsliðið kom eftir eftir Evrópumótið fékk liðið magnaðar móttökur. Það var keyrt í opinni rútu í gegnum miðbæinn að Arnarhóli þar sem staðið var fyrir eftirminnilegri móttöku.
Ómar Smárason, fjölmiðlafulltrúi landsliðsins, segir í samtali við Vísi að ekki sé stefnt að formlegri móttöku aftur. Landsliðið mun halda í höfuðstöðvar KSÍ í kvöld þar sem haldin verður móttaka með fjölskyldumeðlimum.
Búist er við landsliðinu heim um sjöleytið í kvöld.
Athugasemdir