Það lítur ekki út fyrir það að Jorge Sampaoli sé með mikil völd í argentíska landsliðinu.
Samapoli hefur verið harðlega gagnrýndur fyrir frammistöðu Argentínu á HM í Rússlandi. Argentína rétt skreið upp úr riðlakeppninni með því að vinna Nígeríu 2-1 í gær. Varnarmaðurinn Marcos Rojo gerði sigurmark Argentínu á 86. mínútu.
Samapoli hefur verið harðlega gagnrýndur fyrir frammistöðu Argentínu á HM í Rússlandi. Argentína rétt skreið upp úr riðlakeppninni með því að vinna Nígeríu 2-1 í gær. Varnarmaðurinn Marcos Rojo gerði sigurmark Argentínu á 86. mínútu.
Fyrir leikinn gegn Nígeríu í gær var talað um það að leikmenn liðsins myndu velja byrjunarliðið þar sem Sampaoli væri ekki treyst fyrir því.
Sergio Aguero, sóknarmaður Manchester City, byrjaði á bekknum í gær og kom ekki inn á fyrr en á 80. mínútu. Á myndbandsupptökum virðist Sampaoli biðja um samþykki frá Lionel Messi, fyrirliða Argentínu, áður en hann setur Aguero inn á.
„Hvað á ég að gera, á að setja Kun (Aguero) inn á?" virðist Sampaoli spyrja Messi.
Aguero var settur inn á og Rojo skoraði sigurmarkið sex mínútum síðar.
Argentina coach Jorge Sampaoli asking Lionel Messi if he should sub in Sergio Aguero. https://t.co/qTKw44ykwg
— Roy Nemer (@RoyNemer) June 27, 2018
Athugasemdir
