Bergsveini Ara Baldvinssyni, leikmanni Þórs á Akureyri, hefur verið boðið til æfinga hjá þýska félaginu Wuppertal SV og mun hann dvelja ytra hið minnsta um vikutíma.
Frá þessu er sagt á vefsíðu Þórs.
Frá þessu er sagt á vefsíðu Þórs.
Bergsveinn, eða Bessi eins og hann er kallaður, er að fara út í gegnum þýskan vin föður síns. Hann hafði haft spurnir af því að hann kynni sitthvað fyrir sér í fótbolta og vilja koma honum í samband við Wuppertal.
Bessi er fæddur 2002 og verður 17 ára síðar á árinu. Hann segir að upphaflega hafi hann átt að fara út í apríl en þá settu ökklameiðsl strik í reikninginn, en nú er þetta að bresta á.
„Ég ætla fyrst og fremst að reyna njóta og sýna hvað í mér býr og sjá svo bara til hverju þessi heimsókn skilar. Jú vissulega er ég mjög spenntur, en um leið smá stressaður," segir Bessi við vefsíðu Þórs.
Athugasemdir