Já ég er rosalega svekktur. Auðvitað bara hundfúlt að vera úr leik í Bikarnum og gríðarlega svekkjandi að fá á sig sigurmark hér í uppbótartíma þegar við erum búnir að vera einum manni færri síðustu fimmtán mínúturnar í leiknum. Það tekur sinn toll af liðinu, nógu erfitt að spila á móti Blikunum 11 á móti 11.
Við missum mann útaf í fyrri hálfleik og annan í seinni hálfleik og og þá erum við búnir með stoppin okkar þannig að við náðum ekki að taka Kaj Leo útaf sem að meiddist á 80. mínútu eða eitthvað hvað það var og svo fimm mínútur í uppbótartíma. En þetta er gríðarlega svekkjandi.
Sagði svekkur Jón Þór Hauksson þjálfari ÍA eftir 2 - 3 tap gegn Blikum í 16. liða úrslitum Mjólkurbikarsins.
Lestu um leikinn: ÍA 2 - 3 Breiðablik
Já við komum algjörlega allt öðruvísi út í seinni hálfleik en þann fyrri. Okkur fannst við geta gert betur í því að velja mómentin betur í að koma hærra upp á völlin og setja pressuna á þá. Þegar við reyndum það í fyrri hálfleik að þá var svona hik á okkur.
Í raun eru þetta ekkert mörg atriði í fyrri hálfleiknum. Þetta eru svona tvö skítamóment sem þeir skora úr í fyrri hálfleiknum og það eru auðvitað bara gæði í þessu liði.
Við horfum bara bjartir fram á veginn. Höldum áfram að gera þessi atriði betri og betur og sjálfstraustið er að vaxa eftir því og höldum ótrauðir áfram.
Það berast sögur af því að það sé framherji á leið til ykkar, er eitthvað til í því og hvað gætiru þá sagt mér um hann.
Já það er Danskur framherji sem kom í dag og það er allt klárt skilst mér eða allavega einhver formsatriði eftir í því og á að vera klárt þegar glugginn opnar. Hann er 28 ára gamall sem spilaði í næst efstu deild í Danmörku og kom til okkar um daginn og heimsótti og æfði með okkur í fjóra daga þar sem við gátum skoðað hann og hann okkur.
Nánar er rætt við Jón Þór í sjónvarpinu hér að ofan.
