fös 27. september 2019 12:30
Elvar Geir Magnússon
Fabian Ruiz orðaður við Barcelona
Fabian Ruiz (til vinstri).
Fabian Ruiz (til vinstri).
Mynd: Getty Images
Barcelona vill fá Fabian Ruiz frá Napoli næsta sumar. Þetta fullyrðir El Mundo Deportivo.

Eric Abidal, yfirmaður fótboltamála hjá Barcelona, fór til Ítalíu um síðustu helgi til að horfa á Fabian Ruiz spilar.

Barcelona er sagt hrífast af tímasetningu á hlaupum leikmannsins, hvernig hann kemur út á velli og góðar snertingar við boltann.

Óvissa er um framtíð miðjumanna Börsunga eins og Ivan Rakitic, Arturo Vidal og Sergio Busquets.

Fabian lék sinn fyrsta landsleik fyrir Spán í júní og heillaði á sínu fyrsta tímabili í ítölsku A-deildinni. Hann skoraði sjö mörk og átti þrjár stoðsendingar eftir að hafa verið keyptur frá Real Betis í fyrra.

Í sumar var sagt að Real Madrid hefði áhuga á þessum 23 ára leikmanni.
Athugasemdir
banner
banner
banner