Gomez og Virgil van Dijk mynduðu miðvarðarpar Liverpool í byrjun síðasta tímabils en í desember meiddist Gomez eftir tæklingu frá Ben Mee.

Matip tók stöðu hans og hefur verið magnaður síðan en hann hefur haldið Gomez út úr liðinu.

„Ég hef ekki verið að spila og auðvitað vilja allir fótboltamenn spila. Á sama tíma þá skil ég þetta af því við erum Evrópumeistarar og st´rakarnir eru að gera vel í augnablikinu þannig ég verð bara að vera þolinmóður, halda áfram að leggja mikið á mig og bíða eftir tækifærinu

„Það er ekki hægt að sitja hérna og vera leiður yfir þessu. Maður verður að vera jákvæður og nýta tækifærið þegar það gefst," sagði Gomez.