Heimild: mbl.is
Þorvaldur Örlygsson ræddi um leikinn, tímabilið og framtíðina í viðtölum eftir leik Stjörnunnar og KR á laugardag. Leikurinn var liður í lokaumferð Pepsi Max-deildarinnar.
Toddi, eins og Þorvaldur er oftast kallaður, tók við sem þjálfari Stjörnunnar eftir eina umferð þegar Rúnar Páll Sigmundsson hætti óvænt. Toddi hafði verið í teymi með Rúnari frá því fyrr um veturinn.
Toddi, eins og Þorvaldur er oftast kallaður, tók við sem þjálfari Stjörnunnar eftir eina umferð þegar Rúnar Páll Sigmundsson hætti óvænt. Toddi hafði verið í teymi með Rúnari frá því fyrr um veturinn.
Stjarnan hefur átt strembið tímabil, endaði í sjöunda sæti í deildinni og efti sjö umferðir var liðið í botnsæti deildarinnar. Ofan á áðurnefnd þjálfaraskipti hafa margir leikmenn glímt við meiðsli og Þorvaldur talar einnig um annars konar mótlæti.
Viðtalið við Fótbolta.net:
„Við lentum í mörgum áföllum sem varða leikmannahópinn okkar og úrslit og annað hafa ekki dottið með okkur. Við erum búnir að standa okkur gríðarlega vel og að ná 7. sætinu. Mér finnst það frábært afrek að halda okkur uppi. Félagið, stjórn, stuðningsmenn og allir sem starfa í kringum félagið hafa haldið ró sinni og haldið vel saman í baráttunni og mótlætinu sem hefur verið," sagði Toddi við Fótbolta.net.
„Það særir svolítið stoltið að félag sem er búið að vera í toppbaráttu og í Evrópusæti á hverju ári... það getur oft verið sárt og menn læra af því og horfa fram veginn."
Þorvaldur Örlyggson var spurður hvort hann yrði áfram með liðið.
„Eins og hefur komið fram áður þá var talað um að klára tímabilið og kíkja síðan á málin þegar tímabilið er búið og það kláraðist fyrir fimmtán mínútum þannig við skulum bíða fram á mánudag," sagði Toddi.
Viðtalið við mbl.is:
Hann ræddi einnig við mbl.is eftir leikinn og tók aðeins sterkar til orða: „Það virðist hafa verið álag á okkur varðandi ýmsa hluti en ég held að liðið og við allir í kringum það höfum staðið okkur gríðarlega vel og í raun kraftaverk að við skyldum halda okkur upp í deildinni," sagði Toddi við mbl.is
„Ég held líka að ég hafi aldrei upplifað eins mótlæti hvað varðar meiðsli og hitt og þetta. Hlutir hafa ekki gengið upp, í sumum leikjum var dómgæslan skelfleg en við áttum líka skelfilega leiki. Boltanum var jafnvel leyft að fara útaf án þess að væri flautað og ýmsa reglur notaðar en við verðum að horfa í það að við gerðum vel og ég hrósa drengjunum í hástert," sagði Toddi sem nefnir þarna atvikið gegn KA í bikarnum þegar boltinn var farinn af velli áður en KA skoraði.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir