CIES Football Observatory er búið að birta áhugaverða tölfræði sem sýnir meðalaldur leikmannahópa knattspyrnufélaga um allan heim eftir spiluðum mínútum.
Ekki allar deildir heims eru teknar með en þó langflestar og er niðurstaðan skemmtileg þar sem danska félagið FC Nordsjælland er með yngsta lið heims. Meðalaldurinn hjá leikmönnum sem spila keppnisleiki fyrir félagið er 22,31 ár.
Austurríska stórveldið RB Salzburg, sem er oft kallað unglingalið eða varalið RB Leipzig, er í öðru sæti með meðalaldur upp á 22,71 ár.
Finna má félög á borð við Bordeaux, úr frönsku B-deildinni, Cercle Brugge frá Belgíu og Valencia frá Spáni á listanum.
Athugasemdir
