Í tilkynningu frá Grasshopper segir að Rúnar hafi farið í aðgerð á ökkla. Aðgerðin gekk vel en Rúnar verður frá í að minnsta kosti fjórar vikur.

Rúnar er fyrirliði Grasshopper og þetta er því áfall fyrir liðið sem er í níunda sæti svissnesku úrvalsdeildarinnar.

Rúnar hefur fengið meiri spiltíma með íslenska landsliðinu eftir að Erik Hamren kom við og hefur hann staðið sig vel.

Næsta landsliðsverkefni er í nóvember, nánar tiltekið gegn Belgíu í Þjóðadeildinni 15. nóvember og Katar í vináttulandsleik 19. nóvember.