England: Auðvelt hjá Liverpool - Gerrard áfram á sigurbraut

Á Anfield í Liverpool borg áttust við Liverpool og Southampton. Skemmst er frá því að segja að Liverpool átti ekki í neinum vandræðum með Southampton í dag.

Diogo Jota kom Liverpool yfir strax á annari mínútu leiksins og hann var svo aftur á ferðinni hálftíma síðar. Áður en fyrri hálfleikurinn var allur þá skoraði Thiago Alcantara en skot hans átti viðkomu í varnarmanni gestanna.

Á 52. mínútu komst Virgil van Dijk á blað en hann skoraði þá gegn sínum gömlu félögu og ákvað að fagna ekki við virðingu við félagið. Hann skoraði eftir hornspyrnu frá Trent Alexander Arnold.

Liverpool er nú einu stigi á eftir toppliði Chelsea sem mætir Manchester United á morgun.

Í London áttust við Crystal Palace og Aston Villa. Það var Matt Targett sem kom gestunum frá Birmingham borg í forystu í fyrri hálfleik eftir hornspyrnu frá gömlu kempunni Ashley Young.

Á 86. mínútu kláraði John McGinn leikinn fyrir gestina. Hann skoraði þá með góðu skotið og fagnaði vel og innilega með stuðningsmönnum Aston Villa.

Marc Guehi minnkaði muninn seint í uppbótartímanum en nær komst Crystal Palace ekki. Gífurlega öflugur sigur í hús hjá Steven Gerrard og lærisveinum hans en Gerrard hefur nú unnið tvo fyrstu leiki sína í starfinu.

Þá gerðu Norwich og Wolves markalaust jafntefli á Carrow Road.

Crystal Palace 1 - 2 Aston Villa
0-1 Matt Targett ('15 )
0-2 John McGinn ('86 )
1-2 Marc Guehi

Liverpool 4 - 0 Southampton
1-0 Diogo Jota ('2 )
2-0 Diogo Jota ('32 )
3-0 Thiago Alcantara ('37 )
4-0 Virgil van Dijk ('52 )

Norwich 0 - 0 Wolves