Halldór Smári Sigurðsson.
Halldór Smári Sigurðsson, leikmaður Víkings, og Arnór Gauti Ragnarsson, sóknarmaður Fylkis, voru báðir fluttir á brott með sjúkrabíl eftir samstuð í leik í Lengjubikarnum í kvöld.
Halldór Smári kom töluvert verr út úr samstuðinu og rotaðist hann.
Halldór Smári kom töluvert verr út úr samstuðinu og rotaðist hann.
Sagt er frá málinu á 433.is í kvöld og þar er vitnað í áhorfanda á vellinum sem óttaðist það versta. „Leikurinn var stöðvaður í um fimmtán mínútur. Um tíma óttaðist ég hreinlega um líf Halldórs," sagði áhorfandinn við 433.
Báðir leikmenn eru á batavegi að sögn 433 en líklegt er að þeir taki sér eitthvað frí þar sem höggið var mjög þungt.
Víkingur vann leikinn 2-0 og er með fullt hús stiga eftir þrjá leiki í Riðli 2 í Lengjubikar karla. Fylkir er með fjögur stig eftir þrjá leiki.
Hér að neðan má sjá myndir sem Raggi Óla tók á vettvangi í kvöld.
Óhugnanleg sýn á Würthvellinum í kvöld sem gaf manni nokkur aukaslög fyrir hjartað. Sem betur fer voru báðir með meðvitund þegar þeir fóru með sjúkrabíl. Óska Halldóri og Arnóri Gauta góðan bata eftir þetta hrikalega samstuð 🙏 pic.twitter.com/OjhjKZXPxw
— Hrafnkell Helgi Helgason (@HHelgason7) February 28, 2020
Athugasemdir
