fös 28. febrúar 2020 21:59
Guðmundur Aðalsteinn Ásgeirsson
Spánn: Januzaj hetjan er Sociedad fór upp í þriðja sæti
Adnan Januzaj.
Adnan Januzaj.
Mynd: Getty Images
Real Sociedad 1 - 0 Valladolid
1-0 Adnan Januzaj ('60 )

Adnan Januzaj, fyrrum leikmaður Manchester United, var hetja Real Sociedad í sigri á Real Valladolid í spænsku úrvalsdeildinni á þessu föstudagskvöldi.

Januzaj, sem er núna 25 ára, braust fram á sjónarsviðið hjá Man Utd undir stjórn David Moyes, en náði svo ekki að fylgja því almennilega eftir. Hann spilaði allan leikinn í kvöld og skoraði sigurmarkið þegar klukkutími var liðinn af leiknum.

Markið má sjá hérna.

Real Sociedad fer með sigrinum í kvöld upp í þriðja sæti deildarinnar. Valladolid, sem er í eigu brasilísku goðsagnarinnar Ronaldo, er í 15. sæti, sjö stigum frá fallsæti.
Athugasemdir
banner
banner
banner
banner