Er þetta í fyrsta sinn sem leikir deildarinnar verða sýndir í beinni útsendingu hér á landi, en nokkur Íslendingafélög eru í deildinni. Útsendingar hefjast þegar deildin hefst eftir kórónuveirufaraldurinn, en gert er ráð fyrir því að það verði í júní eins og á Íslandi.

Glódís Perla Viggósdóttir leikur með meisturum Rosengård og er lið Kristianstad með mikla Íslendingahefð. Elísabet Gunnarsdóttir er þjálfari Kristianstad, Björn Sigurbjörnsson er aðstoðarþjálfari og þá eru Sif Atladóttir og Svava Rós Guðmundsdóttir í leikmannahópnum. Sif er barnshafandi og spilar ekki meira á árinu 2020.

Guðbjörg Gunnarsdóttir og Guðrún Arnardóttir eru á mála hjá Djurgården og Anna Rakel Pétursdóttir er leikmaður Uppsala, en hún gekk í raðir félagsins frá Linköping undir lok síðasta árs.