þri 28. apríl 2020 14:15
Magnús Már Einarsson
Tottenham hefur æfingar - Einn leikmaður á velli
Mynd: Getty Images
Tottenham hefur opnað æfingasvæði sitt fyrir leikmenn til að hefja æfingar að nýju.

Tottenham ætlar að vera með nokkra æfingavelli opna en einungis einn leikmaður má æfa á hverjum velli í einu.

Þá verða takmarkanir á því hversu margir leikmenn mega mæta á æfingasvæðið á hverjum degi.

Leikmenn mæta klæddir og tilbúnir á æfingu og fara beint heim eftir æfinguna.

Arsenal tilkynnti einnig í gær að æfingar væru hafnar hjá liðinu en vonir standa til að hægt verði að byrja að spila í ensku úrvalsdeildinni fyrir luktum dyrum í júní.
Athugasemdir
banner
banner