Það er komið að einum eftirvæntasta fótboltaleik evrópska tímabilsins. Úrslitaleikur Meistaradeildarinnar fer fram í kvöld.
Liverpool og Real Madrid mætast þar á Parc des Princes í París í öðrum úrslitaleiknum sín á milli á fjórum árum, en þetta er í þriðja sinn sem liðin mætast á fjórum árum í Meistaradeildinni.
Real Madrid vann úrslitaleikinn gegn Liverpool 2018 og höfðu Spánarmeistararnir aftur betur þegar liðin mættust í útsláttarkeppninni í fyrra með 3-1 heimasigri og markalausu jafntefli á Anfield.
Liverpool getur unnið bikaraþrennu með sigri í kvöld eftir að hafa unnið enska deildabikarinn og FA bikarinn. Lærisveinar Jürgen Klopp enduðu í öðru sæti úrvalsdeildarinnar, einu stigi eftir Manchester City. Real Madrid vann spænsku deildina þægilega en komst ekki í úrslitaleik bikarsins.
Leikur kvöldsins:
19:00 Liverpool - Real Madrid
