Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 28. júní 2018 15:59
Ingólfur Páll Ingólfsson
HM: Kólumbía vann - Japan áfram á háttvísisreglunni
Mina við það að skora markið mikilvæga.
Mina við það að skora markið mikilvæga.
Mynd: Getty Images
Jan Bednarek fagnar sínu fyrsta landsliðsmarki.
Jan Bednarek fagnar sínu fyrsta landsliðsmarki.
Mynd: Getty Images
Fyrstu tveimur leikjum dagsins er lokið en barist var um efstu tvö sætin í H-riðli.

Senegal og Kólumbía mættust í hörkuleik en bæði lið áttu möguleika að komast áfram. Senegal nægði jafntefli en Kólumbía þurfti á sigri að halda.

Senegal fékk vítaspyrnu í fyrri hálfleik sem var dæmd af eftir að dómari leiksins hafa skoðað atvikið betur með VAR. Þá þurfti James Rodriguez að yfirgefa völlinn vegna meiðsla.

Eina mark leiksins kom í síðari hálfleik þegar Yerri Mina skallaði boltann í netið eftir hornspyrnu. Markvörður Senegal var með hendina í boltanum en skallinn var of kraftmikill og hann kom engum vörnum við. Senegal reyndu hvað þeir gátu til að jafna og við það opnaðist vörn þeirra meira. Hvorugu liðinu tókst að bæta við marki og sigur Kólumbíu staðreynd.

Í hinum leiknum sigraði Pólland lið Japana með einu marki gegn engu. Japan vissi að stigið nægði og hélt sig nokkuð aftarlega á vellinum. Á 59. mínútu skoraði hinsvegar Bednarek sitt fyrsta landsliðsmark eftir sendingu frá Kurzawa.

Japan virtist ekkert alltof áhugasamt um að jafna leikinn sem verður að teljast sérstakt og spurningamerki má setja við ákvörðun landsliðsþjálfarann að gera sex breytingar á liðinu fyrir leik.

Pólland sigraði sinn fyrsta leik á mótinu en situr eftir ásamt Senegal. Kólumbía sigrar riðilinn með sex stig á með Japanir fara áfram á háttvísisreglunni sem verður að teljast gríðarlega svekkjandi fyrir Senegal.

Japan 0 - 1 Pólland
0-1 Jan Bednarek ('59 )

Senegal 0 - 1 Kólumbía
0-1 Yerry Mina ('74 )

Athugasemdir
banner
banner
banner
banner