Heimild: RÚV
Frá setningarhátíð Rey Cup í fyrra.
Óvenju mikið var um meiðsli og beinbrot á Rey Cup í Laugardalnum um helgina.
Um var að ræða stærsta Rey Cup sögunnar en á bilinu 1400-1500 þátttakendur í þriðja og fjórða flokki tóku þátt að þessu sinni.
26 leikmenn þurftu að leita á bráðamóttökuna vegna meiðsla á mótinu og þar af voru fimmtán beinbrot.
Um var að ræða stærsta Rey Cup sögunnar en á bilinu 1400-1500 þátttakendur í þriðja og fjórða flokki tóku þátt að þessu sinni.
26 leikmenn þurftu að leita á bráðamóttökuna vegna meiðsla á mótinu og þar af voru fimmtán beinbrot.
„Þetta virðist koma úr öllum áttum og margs konar meiðsli. Úlnliðsbrot, handabrot, puttabrot, og engin ein skýring,“ segir Þórir Hákonarson íþróttastjóri Þróttar í samtali við RÚV.
Þórir segist velta því fyrir sér hvort keppendur hafi verið verr undirbúnir en venjulega vegna æfingastöðvunar í vor sökum COVID-19 faraldursins.
„Þau voru náttúrulega frá æfingum í tæpa tvo mánuði eins og aðrir íþróttamenn. Og ég veit ekki hvort það geti verið skýring, að þau komi hreinlega verr undirbúin til leiks í þau átök sem fylgja fótboltanum," sagði Þórir við RÚV.
Athugasemdir
