KV fékk Elliða í heimsókn í eina leik kvöldsins í 3. deildinni og lentu heimamenn ekki í vandræðum gegn Árbæingum.

Ingólfur Sigurðsson, Gauti Þorvarðarson og Agnar Þorláksson skoruðu allir í fyrri hálfleik og var staðan 3-0 í leikhlé.

Björn Axel Guðjónsson gerði fjórða mark KV í upphafi síðari hálfleiks og minnkuðu gestirnir muninn á 73. mínútu.

Undir lokin fékk Jón Helgi Sigurðsson beint rautt spjald í liði KV og gerði Gauti síðasta mark leiksins skömmu síðar.

KV er í öðru sæti 3. deildar eftir sigurinn, tveimur stigum eftir Reyni Sandgerði. KV er með 18 stig eftir 8 umferðir á meðan Elliði er meðal neðstu liða, með 8 stig.

Það getur tekið tíma fyrir stöðutöfluna að uppfærast.