Meistaradeildarleikur Manchester City og Real Madrid fer að óbreyttu fram á áætluðum tíma þrátt fyrir að einn leikmaður Madrídarliðsins hafi greinst með kórónaveiruna.
Um er að ræða Mariano Diaz sem hefur aðeins komið við sögu í sjö leikjum á tímabilinu, öllum sem varamaður.
Talið er að hann hafi ekki verið í líkamlegri snertingu við samherja sína síðustu viku. Leikmenn Real Madrid fara í skimun í vikunni.
Um er að ræða Mariano Diaz sem hefur aðeins komið við sögu í sjö leikjum á tímabilinu, öllum sem varamaður.
Talið er að hann hafi ekki verið í líkamlegri snertingu við samherja sína síðustu viku. Leikmenn Real Madrid fara í skimun í vikunni.
Manchester City vann fyrri leikinn gegn Real í 16-liða úrslitum 2-1 en enskir fjölmiðlar segja að félagið hafi ekki áhyggjur af því að seinni leikurinn sé í hættu.
UEFA sé í beinu sambandi við bæði félög og áætlar að halda sínu striki.
En ljóst er að ef fleiri leikmenn Real greinast jákvæðir fyrir kórónaveirunni setur það leikinn í hættu.
Mariano Diaz er við fullkomna heilsu að sögn Real Madrid en leikmaðurinn er kominn í einangrun á heimili sínu.
Athugasemdir