Arnar Gunnlaugsson, þjálfari Víkings R., fór á sinn gamla heimavöll og sótti stigin þrjú þegar Víkingar unnu 5-1 sigur gegn ÍA í lokaumferð Pepsi Max-deildarinnar.
Lestu um leikinn: ÍA 1 - 5 Víkingur R.
„Við mættum vel gíraðir til leiks. Okkur langaði að klára mótið með sæmd," sagði Arnar í viðtali eftir leikinn.
„Við vorum töluvert betri en Skaginn og okkur langaði meira í þetta. Við spiluðum virkilega flottan leik."
Nú er tímabilið búið, Arnar að klára sitt fyrsta tímabil sem þjálfari Víkings.
„Eigum við ekki að gera upp sumarið? Ég er hrikalega ánægður með strákana. Ég efast um, og ég hef fylgst með fótbolta lengi, að eitt lið hafi farið í gegnum jafnmiklar breytingar á þessu eina ári frá því við byrjuðum. Breytingar eru ekki bara að fara úr 4-3-3 í 4-4-2. Breytingar að breyta öllu sem varðar leik liðsins, að spila út frá marki, reyna að halda bolta, alltaf að pressa. Auðvitað gengur upp og ofan," sagði Arnar en Víkingur hafnaði í sjöunda sæti Pepsi Max-deildarinnar og vann þar að auki Mjólkurbikarinn.
„Þetta er ekki bara ég, þetta er alltaf þjálfarateymið, stjórnin og leikmennirnir sem hafa þor í að spila svona fótbolta. Þetta er ekki auðvelt, þetta er erfiðasta tengundin af fótbolta."
Viðtalið er í heild sinni hér að ofan.
Athugasemdir