Lokaumferð Pepsi Max-deildar karla verður öll spiluð í dag klukkan 14:00. Á Kópavogsvelli tekur Breiðablik á móti Íslandsmeisturum KR.

Breiðablik er í öðru sæti deildarinnar og mun enda þar sama hvernig leikirnir í dag enda. KR-ingar geta með sigri í dag endað með fjórtán stigum fyrir ofan Breiðablik og jafnað stigamet efstu deildar, en þeir settu það sjálfir árið 2013. Byrjunarliðin eru nú klár.

Ágúst Gylfason gerir eina breytingu á liði sínu frá síðasta leik Blika gegn ÍBV. Gísli Eyjólfsson kemur út og inn í hans stað kemur Viktor Karl Einarsson. Þetta er jafnframt síðasti leikur Ágústs við stjórvölinn en honum var sagt upp í vikunni.

KR-ingar gera eina breytingu á liði sínu frá síðasta leik gegn FH. Skúli Jón Friðgeirsson er í leikbanni og hefur því spilað sinn síðasta leik fyrir KR en hann ætlar að leggja skóna á hilluna eftir tímabilið. Inn í hans stað kemur Arnþór Ingi Kristinsson. Liðin má sjá hér að neðan.