Það voru sex leikir að klárast í ensku úrvalsdeildinni núna fyrir stuttu. Frank Lampard fagnaði sínum fyrsta deildarsigri sem stjóri Chelsea á Stamford Bridge.
Chelsea tók á móti Brighton og vann sanngjarnan sigur. Jorginho kom Chelsea yfir úr vítapsyrnu á 50. mínútu. Brighton vann sig aðeins inn í leikinn eftir mark Chelsea, en Willian gerði út um leikinn með marki á 76. mínútu.
Chelsea í sjötta sæti með 11 stig eftir þennan sigur. Brighton er í 16. sæti með sex stig.
Chelsea 2 - 0 Brighton
1-0 Jorginho ('50 , víti)
2-0 Willian ('76 )
Jóhann Berg Guðmundsson kom ekkert við sögu þegar Burnley gerði jafntefli gegn Aston Villa. Jói Berg er að koma úr meiðslum, en hann var allan tímann á bekknum í dag. Burnley jafnaði tvisvar í 2-2 jafntefli gegn Villa.
Burnley er í tíunda sæti með níu stig og Aston Villa í 18. sæti með aðeins fimm stig.
Aston Villa 2 - 2 Burnley
1-0 Anwar El Ghazi ('33 )
1-1 Jay Rodriguez ('68 )
2-1 John McGinn ('79 )
2-2 Chris Wood ('81 )
Tottenham var einum færri gegn Southampton frá 31. mínútu eftir að Serge Aurier fékk að líta sitt annað gula spjald fyrir heimskulegt brot. Þegar Aurier fór af velli var staðan 1-0 fyrir Spurs. Danny Ings jafnaði á 39. mínútu, en Harry Kane kom Tottenham aftur yfir fyrir leikhlé.
Hugo Lloris gerði mikil mistök í marki Southampton, en hann náði að bæta upp fyrir það í seinni hálfleik með góðri frammistöðu. Tottenham náði að halda út einum færri og vinna 2-1 sigur.
Tottenham er í fjórða sæti með 11 stig. Southampton er í 14. sæti með sjö stig.
Tottenham 2 - 1 Southampton
1-0 Tanguy Ndombele ('24 )
1-1 Danny Ings ('39 )
2-1 Harry Kane ('43 )
Rautt spjald:Serge Aurier, Tottenham ('31)
Bournemouth og West Ham, tvö lið sem féllu út úr deildabikarnum í vikunni, gerðu 2-2 jafntefli, Crystal Palace vann Norwich og Úlfarnir komust upp úr fallsæti með sigri á Watford, sem ekki hefur byrjað tímabilið vel og er á botninum með aðeins tvö stig.
Bournemouth 2 - 2 West Ham
0-1 Andriy Yarmolenko ('10 )
1-1 Joshua King ('17 )
2-1 Callum Wilson ('46 )
2-2 Aaron Cresswell ('74 )
Crystal Palace 2 - 0 Norwich
1-0 Luka Milivojevic ('21 , víti)
2-0 Andros Townsend ('90 )
Wolves 2 - 0 Watford
1-0 Matthew Doherty ('18 )
1-1 Daryl Janmaat ('61 , sjálfsmark)
Klukkan 16:30 hefst leikur Everton og Man City. Smelltu hér til að sjá byrjunarliðin.
Athugasemdir