Gary Martin, framherji ÍBV, varð markahæstur í Pepsi Max-deild karla eftir spennandi baráttu um markakóngstitilinn í dag.

Gary skoraði tvívegis gegn Stjörnunni í síðari hálfleik og náði þar með að vera marki á undan Steven Lennon, Thomas Mikkelsen og Hilmari Árna Halldórssyni, Elfari Árna Aðalsteinssyni sem enduðu allir með þrettán mörk eftir markaskorun dagsins.

Lennon skoraði tvö mörk gegn Grindavík í dag og tekur silfurskóinn á færri leikjum en hinir fjórir. Thomas Mikkelsen tekur bronsskóinn á færri mínútum en Elfar Árni og Hilmar Árni.

Hilmar Árni, sem var markahæstur fyrir daginn, endaði fimmti markahæsti leikmaður deildarinnar þar sem hann spilaði fleiri mínútur en hinir.

Gary skoraði tvö mörk í þremur leikjum með Val snemma sumars en hann hefur skorað þrettán mörk í tólf leikjum með ÍBV síðan hann kom til félagsins í júlí.

Gary verður gestur í lokaþætti Innkastsins á Fótbolta.net síðar í dag.