KR vann 2-1 sigur gegn Breiðabliki í lokaumferð Pepsi Max-deildarinnar í dag og endar með 52 stig í deildinni. Það er jöfnun á stigameti í efstu deild karla.
KR var búið að tryggja sér Íslandsmeistaratitilinn í dag.
Áður hafa tvö lið náð að enda efstu deild karla með 52 stig, sem er stigametið. Það eru KR 2013 og Stjarnan 2014.
KR vann deildina í sumar með yfirburðum. Breiðablik hafnaði í öðru sæti með 14 stigum minna. Fréttamaðurinn Höskuldur Kári Schram bendir á það á samfélagsmiðlinum Twitter að 14 stiga forskot KR sé nýtt met í 12 liða deild.
Frábært sumar hjá KR-ingum.
KR að klára mótið með 52 stig. Jafna eigið met. KR með 14 stiga forskot sem er líka met í 12 liða deild 🏆áfram KR. #allirsemeinn
— Höskuldur Schram (@Hoskuldurschram) September 28, 2019
Athugasemdir