Ólafi Kristjánssyni þjálfara FH var létt í leikslok eftir 3-0 sigur á Grindavík í dag.
"Það er hvoru tveggja léttir og gleði í dag. Ég var mjög ánægður að við skyldum skora á þá í fyrri hálfleik. Við spilum leik við þá hérna í sumar sem við skorum 7 mörk en fórum svo til Grindavíkur í næsta leik og gerðum markalaust jafntefli. Þeir eru mjög sterkir varnarlega, eru það lið sem hefur fengið á sig hvað fæst mörk og það er erfitt að brjóta þá niður."
"Það er hvoru tveggja léttir og gleði í dag. Ég var mjög ánægður að við skyldum skora á þá í fyrri hálfleik. Við spilum leik við þá hérna í sumar sem við skorum 7 mörk en fórum svo til Grindavíkur í næsta leik og gerðum markalaust jafntefli. Þeir eru mjög sterkir varnarlega, eru það lið sem hefur fengið á sig hvað fæst mörk og það er erfitt að brjóta þá niður."
Lestu um leikinn: FH 3 - 0 Grindavík
Leikurinn í dag var lykilatriði að því að FH-ingar gætu farið með bros út úr tímabilinu.
"Það er rétt, það hefði verið glatað að ná ekki þessu Evrópusæti. Ég sagði það í viðtölum að hér hefur verið frábær árangur, ég er búinn að vera hér í tvö ár og ekki náð árangri sem þjálfari sem hefur verið í takt við það. Fyrir mig og alla þá var mikilvægt að vinna leikinn og gefa okkur möguleika á því að byggja FH upp og keppa um titla."
Hvað um hann sjálfan og hans stöðu hjá FH.
"Spurningin um það hvort ég verð áfram er skemmtileg því það er jú þannig að það eru tveir aðilar sem gera samninginn, ég hef ekki athugað hvort ég er með uppsagnarákvæði en það er alltaf hægt að reka mig sko!"
Reiknar hann með því?
"Maður heyrir ýmislegt úti i bæ sko! Að öllu gamni slepptu þá er það sko ekki hlutur sem ég pæli í eina sekúndu. Ég hef verið rekinn það oft að ég veit að menn telja það vera eðlilegasta hlut að vera rekinn sem þjálfari og brottrekstur hefur ekkert með það að segja hvort þú ert góður eða slakur þjálfari, þetta segi ég fyrir hönd allra kollega minna."
Að því gefnu að hann verði áfram, er þá ekki uppbyggingarfasi framundan í Krikanum?
"Það má alveg búast við því, einhverjir eru að hætta en það gefur möguleika líka á því að hægt verði að byggja upp á ný."
Framundan er lokahóf, fara menn ekki glaðir í það.
"Jú, menn voru með yfirlýsingar inni í klefa og ég er búinn að gefa leyfi fyrir tveimur köldum" sagði þjálfarinn með bros á vör, nánar er rætt við hann í viðtalinu sem fylgir.
Athugasemdir