Íslendingalið Rostov vann öruggan sigur gegn Dinamo Moskvu í rússnesku úrvalsdeildinni í dag.
Ragnar Sigurðsson lék allan leikinn í vörn Rostov og var hann með fyrirliðabandið. Björn Bergmann Sigurðarson var ekki í leikmannahópi Rostov.
Rostov leiddi 2-0 í hálfleik og bætti við þriðja markinu eftir að Dinamo hafði misst mann af velli með sitt annað gula spjald í seinni hálfleiknum. Lokatölur voru 3-0 fyrir Rostov.
Með þessum góða sigri fer Rostov upp að hlið Zenit á toppi deildarinnar. Bæði lið eru með 23 stig, en Zenit á þó leik til góða.
Athugasemdir
