Borussia Dortmund missteig sig þegar liðið mætti Werder Bremen í síðasta leik dagsins í þýsku úrvalsdeildinni.

Leikurinn fór fram í Dortmund, en það voru gestirnir sem komust yfir eftir aðeins sjö mínútur þegar Milot Rashica skoraði. Forysta Werder entist ekki lengi því Mario Götze jafnaði á níundu mínútu.

Staðan í hálfleik var 2-1 fyrir Dortmund þar sem Marco Reus skoraði eftir undirbúning Thorgan Hazard á 41. mínútu.

Werder gafst þó ekki upp og jafnaði metin á 55. mínútu. Marco Friedl, fyrrum leikmaður Bayern, jafnaði fyrir Werder og þar við sat. Ekki voru fleiri mörk skoruð.

Þetta er annað jafntefli Dortmund í röð og er liðið núna í sjötta sæti með 11 stig, þremur stigum frá toppliði Bayern. Werder er í tíunda sæti með sjö stig.

Önnur úrslit dagsins:
Þýskaland: Bayern tók toppsætið af Leipzig