Lestu um leikinn: FH 3 -  0 Grindavík

Grindavík hefur átt erfitt með að skora.

"Ég held að á 2/3 af æfingunum okkar höfum við verið að æfa sókarleik á síðasta þriðjungnum en það vantaði margt upp á þetta, það er kannski ekki rétta mómentið til að ræða núna.  Leikmenn og þjálfarar hafa þó lagt allt sitt í þetta og það skiptir máli."

Hvað með hann, umræða hefur verið um að hann sé leið frá Grindavík og jafnvel að hann sé að taka við Þór. Er framtíð hans á hreinu?

"Eina sem ég get sagt við því er að ég er þjálfari Grindavíkur eins og staðan er i dag, ég byrja á að setjast niður með mínu fólki þar og taka ákvörðun um framhaldið."

Umræða hefur verið um Grindavík til framtíðar, þ.á.m. ummæli fyrirliðans um að félagið þurfi að horfa hærra.  Hvernig sér Túfa framtíðina?

"Mér fannst leikmennirnir sem við fengum vera góðir, í sumar hafa menn verið að stíga upp sem alvöru fótboltamenn, Marinó, Axel og Sigurður að spila sitt fyrsta alvöru tímabil í efstu deild.   Við vitum það að lið eins og Grindavík, ÍBV og Víkingur Ólafsvík eiga erfitt með að vera stabíl og stöðug úrvalsdeildarlið. Gunni Þorsteins er besti fyrirliði Íslands og ef ég þyrfti að taka mann með mér í stríð myndi ég velja hann fyrstan.  Hans tilfinningar komu fram og við erum allir sárir því við vildum allir gera betur.

Vinnan fyrir félagið áfram í heild er að horfa til þess að hvað við getum gert betur til að gera Grindavík að stabílum úrvalsdeildarklúbb.  Það er ekki spurning að ég er til í að vera með í því."

Nánar er rætt við Túfa í viðtalinu sem fylgir.