Leicester og Manhester City mætast í hádegisleik ensku úrvalsdeildarinnar. Norski markahrókurinn Erling Haaland er tæpur fyrir leikinn en hann fór af velli í leik gegn Dortmund í vikunni.

Pep Guardiola sagði eftir leikinn að Haaland hefði verið með hita og að auki fengið högg á ökklann í leiknum. Það er þó líklegt að hann geti verið með á morgun.

„Honum líður betur, við æfum seinni partinn og svo verður tekin ákvörðun. Sjáum hvernig staðan verður á honum og hvernig honum líður," segir Guardiola.