Birkir Már Sævarsson, hægri bakvörður Vals, reiknar með að hafa spilað sinn síðasta landsleik fyrir Íslands hönd. Eftir að hafa eignað sér stöðu hægri bakvarðar í landsliðinu í áraraðir datt Birkir út úr byrjunarliðinu í júní leikjunum í ár og út úr hópnum í september.
Birkir kom aftur inn í hópinn í leikjum í október en hann gaf ekki kost á sér í leikina gegn Tyrklandi og Moldóvu á dögunum vegna meiðsla.
Í samtali við Morgunblaðið í dag segir hinn 35 ára gamli Birkir að hann geri sér ekki risavonir um að ná að bæta við þá 90 landsleiki sem hann á að baki.
Birkir kom aftur inn í hópinn í leikjum í október en hann gaf ekki kost á sér í leikina gegn Tyrklandi og Moldóvu á dögunum vegna meiðsla.
Í samtali við Morgunblaðið í dag segir hinn 35 ára gamli Birkir að hann geri sér ekki risavonir um að ná að bæta við þá 90 landsleiki sem hann á að baki.
„Það væri náttúrulega alveg geðveikt að fá að vera með og ég er ekkert opinberlega hættur í landsliðinu. En eins og þetta hefur verið undanfarið þá finnst mér ekkert líklegt að ég verði valinn aftur," sagði Birkir við Morgunblaðið.
„Ef allir eru heilir er hópurinn nokkuð fastur eins og hann hefur verið í síðustu verkefnum. En svo getur ýmislegt komið upp á og ef að kallið kemur þá gef ég kost á mér. En ég held að þessir menn sem eru í hópnum núna séu að fara að leysa þetta. Ég er því ekki með neinar risavonir um að verða valinn."
Birkir Már er með beinmar í ökkla en í samtali við Morgunblaðið vonast hann til að vera klár í slaginn á ný eftir áramót.
Athugasemdir