Costa er fyrsti kostur Flamengo ef að félaginu tekst ekki að fá Gabriel Barbosa, Gabigol, aftur frá Inter.

Gabigol átti stórkostlegt tímabil hjá Flamengo á láni frá Inter. Hann skoraði 34 mark í 40 leikjum og hjálpaði liðinu að vinna deildina og Copa Libertadores, Meistaradeildina í Suður-Ameríku.

Flamengo vonast til að kaupa Gabigol, en ef það tekst ekki þá er Diego Costa fyrsti kostur.

Hinn 31 árs gamli Costa er fæddur í Brasilíu og lék tvo vináttulandsleiki fyrir Brasilíu. Hann hins vegar valdi síðar að spila fyrir landslið Spánar.

Hann spilaði síðast í Brasilíu árið 2006 með Barcelona-SP. Þar var hann sem unglingur. Hann hefur áður talað um það að hann vilji aftur spila í Brasilíu einn daginn.

Costa gekk aftur í raðir Atletico frá Chelsea í fyrra, en ekki náð að raða inn mörkunum. Hann er aðeins með sjö mörk í 42 deildarleikjum fyrir Atletico eftir endurkomuna frá Chelsea. Er hann lék áður með Atletico, frá 2007 til 2014, þá skoraði hann 43 mörk í 94 deildarleikjum.

Núgildandi samningur hans við Atletico rennur út 2021 og er spænska félagið tilbúið að selja. Atletico metur hann á bilinu 20-30 milljónir evra.

Á meðan er talið að Inter sé að biðja um 35 milljónir evra fyrir Gabigol, sem er of mikið fyrir Flamengo.

Talið er að Gabigol vilji aftur reyna að sanna sig í Evrópu eftir að hafa ekki náð að gera það með Inter og Benfica.