Frosinone vann 1-2 útisigur á Brescia í ítölsku B-deildinni í dag. Birkir Bjarnason var meðal varamanna hjá Brescia og kom inn á í öðrum leiknum í röð.

Birkir, sem hafði verið í kuldanum hjá Brescia, kom inn á völlinn á 63. mínútu í stöðunni 1-1. Mínútu síðar fékk hann gult spjald og á 67. mínútu fékk hann sitt annað gula spjald og þar með rautt, stutt gaman.

Sigurmark Frosinone kom á 84. mínútu. Brescia er með níu stig eftir átta umferðir.

Hólmbert Aron Friðjónsson var ekki í leikmannahópi Brescia vegna meiðsla.