Ítalía í dag - Inter, Juve og Atalanta í beinni

Sassuolo og Inter eigast við í hörkuslag þar sem þrjú stig skilja liðin að í toppbaráttunni. Sassuolo hefur farið gríðarlega vel af stað og er með 18 stig eftir 8 umferðir, Inter er með 15 stig.

Ítalíumeistarar Juventus eru enn taplausir og heimsækja þeir nýliða Benevento í dag. Cristiano Ronaldo verður ekki með Juve en nýliðarnir gætu reynst erfiðir þar sem þeir hafa sýnt skemmtilega takta á tímabilinu.

Að lokum eiga lærisveinar Gian Piero Gasperini í Atalanta heimaleik við varnarsinnað lið Verona. Það verður áhugaverð viðureign þar sem sóknarbolti mætir varnarbolta, en Atalanta mun væntanlega hvíla einhverja lykilmenn vegna Meistaradeildarinnar.

Leikir dagsins:
14:00 Sassuolo - Inter (Stöð 2 Sport 4)
17:00 Benevento - Juventus (Stöð 2 Sport 4)
19:45 Atalanta - Verona (Stöð 2 Sport 4)