banner
   mán 28. nóvember 2022 15:59
Elvar Geir Magnússon
Gengur illa hjá Vlahovic að hrista af sér meiðslin
Dusan Vlahovic.
Dusan Vlahovic.
Mynd: Getty Images
Dragan Stojkovic, þjálfari Serbíu, segir að það gangi illa hjá sóknarmanninum Dusan Vlahovic að losna við meiðsli.

Vlahovic var á bekknum í 3-3 jafnteflinu gegn Kamerún í dag og virðist þessi sóknarmaður Serbíu enn ver að glíma við nárameiðsli.

„Dusan er ekki alveg klár, ég þurfti að nota leikmenn sem voru alveg heilir. Dusan er ekki klár í að spila á þessum styrkleika og það er áhyggjuefni fyrir okkur," segir Stojkovic.

Vlahovic kom inn í seinni hálfleik þegar Serbía tapaði gegn Brasilíu í síðustu viku en síðasti mótsleikur hans fyrir Juventus var 25. október.

Umboðsmaður hans, Darko Ristic, viðurkenndi í byrjun nóvember að líkamlegt ástand Vlahovic væri ekki eins og best sé á kostið.

Vlahovic hefur skorað sjö mörk í fimmtán leikjum með Juventus á þessu tímabili.
Athugasemdir
banner
banner