Það fóru tveir stórleikir fram í Þjóðadeild kvenna í kvöld þar sem Þýskaland gerði markalaust jafntefli við Spán í úrslitaleiknum áður en Frakkland tók á móti Svíþjóð í bronsleiknum.
Þær þýsku voru sterkara liðið gegn Spánverjum en tókst ekki að skora í erfiðum leik gegn silfurverðlaunahöfum Evrópumótsins. Spánn hafði betur þegar liðin mættust í undanúrslitaleik EM síðasta sumar og tókst þeim þýsku ekki að hefna fyrir það í kvöld.
Liðin mættust í Þýskalandi en seinni leikurinn fer fram á Spáni og munu úrslitin ráðast þar.
Frakkland tók forystuna í uppbótartíma fyrri hálfleiks gegn Svíþjóð þegar Sakina Karchaoui skoraði úr vítaspyrnu.
Bæði lið vörðust vel og var lítið um færi í jöfnum slag en Svíum tókst þó að jafna um miðbik síðari hálfleiks með marki frá Stina Blackstenius.
Staðan hélst jöfn allt þar til seint í uppbótartíma þegar Griedge Mbock tókst að stela sigrinum fyrir heimakonur. Lokatölur 2-1 fyrir þær frönsku sem eru í góðri stöðu fyrir seinni leikinn í Svíþjóð.
Þýskaland 0 - 0 Spánn
Frakkland 2 - 1 Svíþjóð
1-0 Sakina Karchaoui ('45+3, víti)
1-1 Stina Blackstenius ('67)
2-1 Griedge Mbock ('96)
Athugasemdir
