28.12.22 - 10:30
Sæbjörn Þór Þórbergsson Steinke
Ramsey ekki enn mættur til Nice eftir HM
Svekktur með HM.
Mynd: EPA
Svekktur með HM.
Mynd: EPA
Aaron Ramsey er ekki mættur til æfinga hjá félagsliði sínu Nice eftir að HM í Katar lauk. Það er Lucien Favre, stjóri Nice, sem staðfestir tíðindin.
Favre segir að það hafi tekið á hjá Ramsey að sætta sig við að Wales hafi ekki náð í útsláttarkeppnina í Katar. Hann hefur ekkert spilað síðan Wales datt úr leik í riðlakeppninni fyrir rétt tæpum mánuði síðan.
Favre segir að það hafi tekið á hjá Ramsey að sætta sig við að Wales hafi ekki náð í útsláttarkeppnina í Katar. Hann hefur ekkert spilað síðan Wales datt úr leik í riðlakeppninni fyrir rétt tæpum mánuði síðan.
„Hann er að taka sér smá tíma til að ná endurheimt - svoleiðis er það," sagði Favre um velska miðjumanninn.
„Hann var mjög vonsvikinn með HM." Ramsey var í byrjunarliðinu í öllum leikjum Wales og hefur verið í þokkalega stóru hlutverki hjá Nice eftir að hann kom til félagsins í ágúst. Samningi hans við Juventus var rift í sumar og fór hann á frjálsri sölu til Frakklands.
Hann hefur byrjað tólf af fimmtán deildarleikjum liðsins en ólíklegt er að hann nái næsta leik liðsins sem er gegn RC Lens á morgun.
„Hann var mjög vonsvikinn með HM." Ramsey var í byrjunarliðinu í öllum leikjum Wales og hefur verið í þokkalega stóru hlutverki hjá Nice eftir að hann kom til félagsins í ágúst. Samningi hans við Juventus var rift í sumar og fór hann á frjálsri sölu til Frakklands.
Hann hefur byrjað tólf af fimmtán deildarleikjum liðsins en ólíklegt er að hann nái næsta leik liðsins sem er gegn RC Lens á morgun.
