Manchester United er að fá markvörðinn Nathan Bishop frá Southend United. BBC og aðrir breskir fjölmiðlar segja frá þessu.
Sol Campbell og Hermann Hreiðarsson stýra Southend United sem er í C-deild á Englandi.
Hinn tvítugi Bishop hefur leikið 17 leiki með aðalliði Southend á þessari leiktíð.
Campbell sagði eftir 3-1 tap gegn Doncaster í gær að Bishop væri í læknisskoðun hjá öðru félagi, en hann gat ekki sagt til um hvaða félag það væri. Það er víst Manchester United.
Hann mun fara í U23 lið Manchester United.
Man Utd mun því væntanlega fá tvo leikmenn inn áður en glugginn lokar á föstudag. Bruno Fernandes er einnig á leiðinni, en hann kemur frá Sporting Lissabon.
Athugasemdir