Þýski kantmaðurinn Leroy Sane er byrjaður aftur að æfa með Manchester City.
Hann meiddist í leiknum um Samfélagsskjöldinn gegn Liverpool í ágúst síðastliðnum. Sane skaddaði fremra krossband í hné og hefur ekkert komið við sögu á tímabilinu.
Hann var myndaður á æfingu með liðsfélögum sínum hjá City í gær.
City mætir Man Utd í síðari viðureign liðanna í undanúrslitum deildabikarsins í kvöld. Sá leikur kemur of snemma fyrir Sane, en vonandi fyrir Pep Guardiola þá mun Sane snúa aftur inn á fótboltavöllinn fljótlega.
Man City er í öðru sæti ensku úrvalsdeildarinnar, en næstu leikir liðsins eru erfiðir. Næstu fimm leikir liðsins eru gegn Man Utd, Tottenham, West Ham, Leicester og Real Madrid.
Bayern München hafði mikinn áhuga á 24 síðasta sumar, en það er spurning hvað gerist í þeim málum núna.
Athugasemdir