RB Salzburg hafnaði tilboði frá Leeds United í vetur þegar enska úrvalsdeildarfélagið reyndi að kaupa bandaríska miðjumanninn Brenden Aaronson.
Aaronson, sem er 21 árs gamall, er einn af bestu leikmönnum Salzburg og vill spila í sterkari deild en er samningsbundinn austurrísku meisturunum næstu tvö árin.
Aaronson lék fyrir Philadelphia Union í MLS deildinni áður en hann var fenginn til Salzburg. Hann á 18 leiki að baki fyrir bandaríska landsliðið og hefur skorað 5 mörk.
Salzburg er talið vilja 25 til 30 milljónir evra fyrir miðjumanninn, auk aukagreiðslna.
Jesse Marsch, nýráðinn knattspyrnustjóri Leeds, hefur miklar mætur á Aaronson og vill ólmur fá hann til félagsins.
Athugasemdir
