mið 29. apríl 2020 15:55
Magnús Már Einarsson
Aron Bjarnason á leið í Val
Mynd: Fótbolti.net - Hafliði Breiðfjörð
Aron Bjarnason, kantmaður Ujpest í Ungverjalandi, er á leið í Val en 433.is greinir frá þessu í dag.

Ujpest keypti Aron frá Breiðabliki síðastliðið sumar en hann lék frábærlega með Blikum fyrri hluta tímabils.

Aron spilaði lítið með Ujpest síðustu vikurnar áður en keppni var hætt þar í landi vegna kórónaveirunnar.

Samtals kom Aron við sögu í sextán leikjum í ungversku úrvalsdeildinni í vetur en hann var í byrjunarliðinu í fimm þeirra.

Hinn 24 ára gamli Aron hefur áður leikið með Fram, ÍBV, Þrótti R. og Breiðabliki á Íslandi en hann hefur skorað 24 mörk í 113 leikjum í efstu deild.
Athugasemdir
banner
banner
banner
banner
banner