Í gær var tilkynnt að tímabilinu væri lokið í frönsku úrvalsdeildinni og næstefstu deild, keppni væri hætt.
Ekki verður tekin ákvörðun um hvort lið falli eða fari upp úr næstefstu deild en sú ákvörðun verður tekin á fundi í maí.
Ekki verður tekin ákvörðun um hvort lið falli eða fari upp úr næstefstu deild en sú ákvörðun verður tekin á fundi í maí.
Rúnar Alex Rúnarsson, landsliðsmarkvörður, er á mála hjá Dijon og hafði hann mátt þola bekkjarsetu lengstum á þessu tímabili en aðalmarkvörður liðiðsins meiddist í byrjun febrúar og hafði Rúnar byrjað síðustu fimm leiki liðsins.
Rúnar var til viðtals í þættinum Spotið í dag í dag og ræddi hann þar við Kjartan Atla Kjartansson.
„Ég held að þetta hafi verið rétt ákvörðun og rétt skilaboð send út í samfélagið þegar það er sett í útgöngubann að þá sé ekki verið að spila fótbolta," sagði Rúnar. Dijon var í 16. sæti deildarinnar áður en mótinu var upprunalega slegið á frest vegna heimsfaraldursins.
„Það er súrt að tímabilinu sé að ljúka svona snemma því ég var að standa mig vel og hefði fengið að spila næstu leiki. Heilsa fólks á alltaf að vera í fyrsta sæti."
Kjartan spurði Rúnar hvernig framhaldið hjá honum væri. „Ég ætla fara heim að æfa með KR og njóta þess að vera frjáls í fótbolta og skemmta mér aðeins."
Athugasemdir