Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 29. maí 2020 07:30
Ívan Guðjón Baldursson
Heimild: Vísir 
Margrét Lára í Pepsi Max-mörkunum: Öðruvísi nálgun
Mynd: Fótbolti.net - Hafliði Breiðfjörð
Helena Ólafsdóttir mun stýra breyttri útgáfu af Pepsi Max-mörkum kvenna út árið og hefur hún fengið Margréti Láru Viðarsdóttur með sér í lið sem sérfræðing.

Margrét Lára þekkir gríðarlega vel til í íslenska boltanum en hún lagði skóna á hilluna í nóvember í fyrra eftir að hafa orðið Íslandsmeistari með Val í fjórða sinn.

„Ég er súpersátt með liðið. Þetta er mikið skref upp á við fyrir kvennaboltann," er haft eftir Helenu í frétt Vísis.

Kristín Ýr Bjarnadóttir, Mist Rúnarsdóttir og Bára Kristbjörg Rúnarsdóttir hafa einnig verið fengnar til starfa sem knattspyrnusérfræðingar fyrir þáttinn.

Helena segir að þættirnir verði með breyttu sniði frá fyrri árum og fjalla einnig um Mjólkurbikarinn, kvennalandsliðið og sænsku úrvalsdeildina meðal annars.

„Okkur langar að vera með öðruvísi nálgun á kvennaliðin. Fá kannski að kíkja meira á þau og svona. Vonandi gefa félögin okkur tækifæri til að heimsækja liðin og kíkja inn í klefa og fleira. Okkur langar að taka nýjan pól í þessu í staðinn fyrir þetta hefðbundna."
Athugasemdir
banner
banner
banner
banner
banner