Þýskaland enduðu neðstir í F-riðli heimsmeistaramótsins og munu því ekki verja heimsmeistaratitil sinn.

Þýskaland hefur ekki dottið svona snemma út úr HM síðan árið 1938 og skiljanlega er mikil reiði í Þjóðverjum um þessar mundir.

Einn af þeim er Michael Ballack sem spilaði 98 landsleiki á ferli sínum en hann var hissa á að sjá hversu slakir Þjóðverjar voru í Rússlandi.

„Ég var í algjöru sjokki eftur úrslitin gegn Suður-Kóreu á miðvikudag. Eftir Evrópumótið og heimsmeistaramótið má gagnrýna þá vinnu sem hefur verið gerð undanfarin tvö ár," sagði Ballack.

Low skrifaðu undir nýjan samning við Þýskaland fjórum vikum fyrir HM en samningurinn gildir til 2022. Ballack telur það hafa verið mistök hjá þýska knattspyrnusambandinu.

„Hvort Low sé enn rétti maðurinn í starfið get ég ekki sagt um en það er óafsakanlegt að sjá lið með þessi gæði enda í neðsta sætinu í þessum riðli. Hvernig geta þessir leikmenn átt í erfiðleikum með grunnatriði knattspyrnunnar?"