Immobile er þar með orðinn markahæsti leikmaður fimm bestu deilda Evrópu og á góðri leið með að vinna Gullskóinn fyrir tímabilið.

Immobile er kominn með 35 mörk í 36 deildarleikjum og hefur auk þess lagt níu sinnum upp. Cristiano Ronaldo kemur næstur á eftir honum í Serie A, með 31 mark og 5 stoðsendingar í 32 leikjum.

Zlatan Ibrahimovic skoraði þá tvennu og lagði upp í sigri AC Milan gegn Sampdoria. Hann hefur verið funheitur með Milan og eru viðræður í gangi um að framlengja samning hans út næstu leiktíð.

Leikir dagsins voru þó aðeins uppá stoltið, að undanskildum tveimur þar sem Genoa og Lecce eru enn í fallbaráttu. Genoa gat tryggt sæti sitt í efstu deild með sigri gegn Sassuolo en tapaði þess í stað 5-0.

Lecce þurfti á sama tíma nauðsynlega sigur gegn Udinese til að eiga möguleika á að bjarga sér í lokaumferðinni. Staðan var jöfn þar til á 81. mínútu þegar Gianluca Lapadula gerði sigurmark Lecce.

Nýliðarnir eru aðeins einu stigi frá öruggu sæti fyrir lokaumferðina. Þeir þurfa sigur gegn Parma í lokaumferðinni og verða um leið að treysta á að Genoa takist ekki að leggja Hellas Verona að velli.

Lazio 2 - 0 Brescia
1-0 Joaquin Correa ('17 )
2-0 Ciro Immobile ('83 )

Sassuolo 5 - 0 Genoa
1-0 Hamed Traore ('26 )
2-0 Domenico Berardi ('39 )
3-0 Francesco Caputo ('66 )
4-0 Giacomo Raspadori ('74 )
5-0 Francesco Caputo ('77 )

Udinese 1 - 2 Lecce
1-0 Samir ('36 )
1-1 Marco Mancosu ('40 , víti)
1-2 Gianluca Lapadula ('81 )

Sampdoria 1 - 4 Milan
0-1 Zlatan Ibrahimovic ('4 )
0-2 Hakan Calhanoglu ('52 )
0-3 Zlatan Ibrahimovic ('58 )
0-3 Gonzalo Maroni ('78 , Misnotað víti)
1-3 Kristoffer Askildsen ('87)
1-4 Rafael Leao ('92)

Verona 3 - 0 Spal
1-0 Samuel Di Carmine ('7 )
2-0 Samuel Di Carmine ('11 )
3-0 Davide Faraoni ('47 )