Kjartan var svekktur eftir fyrsta tap Fylkis í deildinni í sumar
„Við vorum bara lélegar. Flest mörkin úr föstum leikatriðum. Við stóðum illa í þeim, gáfum þeim alltof frí hlaup og slíkt. Þetta var bara mjög slæmur dagur,“ sagði Kjartan Stefánsson, þjálfari Fylkis, eftir 4-0 tap gegn Breiðablik á heimavelli.
Lestu um leikinn: Fylkir 0 - 4 Breiðablik
Eftir öfluga byrjun á Íslandsmótinu hefur aðeins hallað undan fæti í spilamennsku Fylkis.
„Við sofum alveg róleg yfir þessu en við höfum alveg verið að hiksta og samt staðið það. Kannski er bara ágætt að taka þennan tapleik núna. Seinni hálfleikur var þó skömminni skárri en við þurfum að taka okkur saman í andlitinu.“
„Þetta er líka spurning um að vilja þetta. Ef okkur langar svona rosalega mikið að vera í einhverri toppbaráttu þá þurfum við að vita hvað það er,“ sagði Kjartan og bætti við að Fylkisliðið ætti enn helling inni.
„Við erum ekkert hætt. Þetta var fyrsti tapleikurinn og við eigum helling inni. Við teljum okkur ennþá ekki vera búin að spila okkar besta leik.“
Nánar er rætt við Kjartan í spilaranum hér að ofan.
Athugasemdir
