Hann fékk lítið að spila á nýliðnu úrvalsdeildartímabili en kom inn af bekknum í lokaumferðinni og skoraði seinna markið í 0-2 sigri gegn Leicester City. Hann skoraði á 98. mínútu leiksins og var þetta hans fyrsta úrvalsdeildarmark síðan í desember 2018.

„Ég er að byrja á manninum í speglinum, ég er að biðja hann um að breytast. Þetta hefur verið erfitt tímabil af mörgum ástæðum. Ég týndi sjálfum mér sem leikmanni og manneskju en ég fann aldrei löngun til að gefast upp," skrifaði Lingard á Instagram.

„Ég vissi að ég gæti komist aftur á sama stað og ég var á með því að treysta fólkinu í kringum mig. Ég veit að stuðningsmenn hafa verið pirraðir á mér en allan þennan tíma hefur ást mín á félaginu og stuðningsmönnum aldrei minnkað.

„Þetta félag er fjölskyldan mín og ég mun leggja allt í sölurnar til að hjálpa félaginu að ná settum markmiðum."

Lingard er 27 ára gamall og hefur verið orðaður við ýmis félög á Englandi og í Evrópu. Óljóst er hvort hann verði áfram hjá Man Utd á næstu leiktíð.