Jose Mourinho knattspyrnustjóri Tottenham mun líklega aldrei breytast. Hann elskar að nýta viðtöl til þess að spila litla sálfræðilega leiki eða til að skjóta á kollega sína, knattspyrnumenn og önnur knattspyrnufélög.
Í morgun birtist viðtal við hann á portúgalska miðlinum Record og var Mourinho spurður út í samlanda sinn Bruno Fernandes, sem Manchester United keypti í janúar.
Fernandes hefur komið inn í enska boltann sem stormsveipur og er búinn að skora átta mörk og leggja upp sjö í fjórtán úrvalsdeildarleikjum.
Helmingur þessara marka Fernandes hafa komið af vítapunktinum, meðal annars jöfnunarmarkið í 1-1 jafntefli gegn Tottenham í vor.
Rauðu djöflarnir hafa verið einstaklega heppnir með vítaspyrnur á tímabilinu og margir vítaspyrnudómar verið afar umdeildir.
„Bruno kom inn í góðu formi. Hann spilaði mjög vel og bætti United liðið mikið," sagði Mourinho.
„Hann reyndist frábær vítaskytta, ein sú besta í heimi, því hann fékk sirka 20 spyrnur til að skora úr."
Athugasemdir