Klukkan 16:00 hefst seinni leikur Noregsmeistara Bodö/Glimt og Íslandsmeistara Vals í Sambandsdeildinni. Norðmennirnir eru með öll spil á hendi eftir 3-0 sigur á Hlíðarenda í fyrri leiknum.

Fylgst er með leiknum í úrslitaþjónustu á forsíðu og einnig í textalýsingu gegnum Boltadag í beinni.

Heimir Guðjónsson gerir fimm breytingar á byrjunarliði Vals frá byrjunarliðinu í fyrri leiknum. Patrick Pedersen er á bekknum og einnig Christian Köhler, Guðmundur Andri Tryggvason, Kristinn Freyr Sigurðsson og Kaj Leo í Bartalsstovu.

Inn koma Haukur Páll Sigurðsson, Almarr Ormarsson, Arnór Smárason, Tryggvi Hrafn Haraldsson og Sverrir Páll Hjaltested.

Landsliðsmaðurinn Alfons Sampsted er í liði Bodö/Glimt og er í byrjunarliðinu.