Sara Björk Gunnarsdóttir.
Sara Björk Gunnarsdóttir, landsliðsfyrirliði, hefur náð að æfa vel undanfarnar vikur eftir að hafa meiðst illa á hné í leik með Wolfsburg í úrslitaleik Meistaradeildarinnar í maí.
Freyr Alexandersson, landsliðsþjálfari, er ánægður með stöðuna hjá Söru fyrir leikinn stóra gegn Þýskalandi á laugardaginn. Uppselt er á leikinn en Ísland getur með sigri tryggt sér sæti á HM í fyrsta skipti.
Freyr Alexandersson, landsliðsþjálfari, er ánægður með stöðuna hjá Söru fyrir leikinn stóra gegn Þýskalandi á laugardaginn. Uppselt er á leikinn en Ísland getur með sigri tryggt sér sæti á HM í fyrsta skipti.
„Hún er búin að vinna vel í sínum málum og er algjörlga einkennalaus og í góðu standi," sagði Freyr í dag.
„Hún er búin að spila lítið en það er eins með þýska liðið. Hún er búin að spila tvo æfingaleiki eins og aðrir leikmenn í þysku Bundesligunni. Ég veit að Sara verður frábær hérna á laugardaginn."
Staðan á íslenska hópnum er góð fyrir leikinn á laugardag.
„Það var smá hnjask hjá Telmu Hjaltalín (Þrastardóttir) og Söndru Maríu (Jessen) en við klárum uppbygginguna á þeim í dag. Þær verða klárar á laugardaginn," sagði Freyr.
Athugasemdir
